Kan thangṭhat lai, zeicahtiah khuaruahhar le thuk ngai in Nangmah nih na ka ser. - Salm 139: 13-15
Kan ṭhan cuahmah lio ahhin, amah, anih bantuk sining tiah kanmah cio tein sinak duhmi kan ngei cio. Cu hna cu, hlasak thiam kan uar ngaingai mi hna zong an si kho, silole kan duh cemmi zukcawl cuang minung zong an si kho, silole pumpululh chuih thiammi zong an si kho, silole vawlei cung a rumbik a fimbik zong an si kho, silole cheukhat kan caah cun, a kan duhdawtu nu le pa maw, sianginn cachimtu tibantuk zong an si kho. Hei chim duhmi cu kanmah cio tein duhmi kan ngei cio. I minung hi mah sinak te inunpi nakin mi sinak le sining aa nunpitu kan tam deuh. Tahchunhnak ah: Amah bantuk mit ngei ning law; hmur ngei ning law; hmai ngei ning law...tbk. ruahnak le duhnak ngei mi hi kan tampi.
Cu kan duhmi minung vialte hna cu kan duh hna i kan tliahchan ngaingai hna. Anmah bantuk si ve le um ve zong kha kan duh. Zeimaw caan ahcun kan ziaza ah a hung cang len tawn. Anmah awchuah bantukin kan aw zong kan chuah, anmah sammeh bantukin kan sam zong kan i met ṭheo, anmah bantukin kan ṭhu kan dir tawn. I hi vialte hna hi, a ṭhang lio kan caah (a hleiin kum 12-20 kar hrawng) cun nitin kan nunnak ah kan i ṭhanpi lengmang mi an si. Anmah lawngte kan ruah hna nakah kanmah le kanmah kan iphilh ṭheo tawn. Cucu kan palhnak a si.
Hi lio caan ahhin kan hngalh awk thil a simi cu: Pathian nih hin sinak a ka pek; amah muicuang in a ka ser, amah bantuk in a ka ser, cucaah hi sinak cu ka caah khuaruahhar le a thukmi a si, tihi a si. Mah le mah icohlan deuhnak, mi sinak nakin mah sinak i nunpi deuhnak nunnak hi kan ngeih awk a si. Zeicahtiah, ho paoh hi khuarahhar le thuk ngaiin--tinhnak he sermi kan si. Ser palh sualmi kan um lo. Kanmahte tuin palhnak kan tuahmi hna cu; mi sinak lawng inunpi duhnak le mi sinak lawng nunpi i zuamnak kan ngeih mi hi an si.
Zeitluk in anmah sinak cu inunpi hmanh usih law, kan si khawh bikah anmah changtu lengmang kan si ko lai. Zeiruang tiah cun anmah cu kan si lo cu ta. Epal kung nih epal thei tlaiter kha har in a hmu lem lai lo. Theithu hna epel kung in tlai ding sisehlaw epel kung nih a tlaiter kho lem lai lo. Kanmah cu bantuk cu kan si ve cuh! Kanmah sinak te inunpi awk ahhin har ngai in kan i zuam a hau lo cuh. Fawi tein kanmah sinak ah ilawmh i inunpi hi a si ve ko. Ahar lem lo.
Nick Vujicic hi kut le ke loin a chuakmi a si. Kut le ke ka ngei lo tiah lungdong in rak um sehlaw a tuanbia hi theih a um hnga lo. A sinain, Pathian nih sinak a ka pek ve, i hi sinak hi kaa nunpi awk a si ti a theih caah, nihin ni ahhin mi tampi caah ruahchannak le thazaang ṭha a si. Nick lawng hi a si lo. A dang vawlei cung minthang tampi hna--sinak der he aa thokmi an tampi. Sihmanhsehlaw an donghnak cu a sunglawi i a lianngan. Zeicahtiah cun tinhmi he sinak pekmi an si kha an i hngalh caah a si.
Nang le kei zong nih Pathian nih hin a thuk le khuaruahhar a simi sinak a kan pek tihi zum uish. Hi biatak hi cohlang hna usih. I nunpi hna usih. Kanmah le kanmah ihneksak hna usih. I zuam hna usih. Ṭuan hna usih law kan caan hi kanmah kan sinak te he hmang hna usih. Zeicatiah caan hi pek cio mi kan si. Mi caan kan hman a hau lo i mi nih kan caan an hman a hau lo. Mi sinak kongah fak tukin buai hna hlah usih. Kan sinak cio hi inunpi cio hna usih.
Kan ṭhan cuahmah lio ahhin, amah, anih bantuk sining tiah kanmah cio tein sinak duhmi kan ngei cio. Cu hna cu, hlasak thiam kan uar ngaingai mi hna zong an si kho, silole kan duh cemmi zukcawl cuang minung zong an si kho, silole pumpululh chuih thiammi zong an si kho, silole vawlei cung a rumbik a fimbik zong an si kho, silole cheukhat kan caah cun, a kan duhdawtu nu le pa maw, sianginn cachimtu tibantuk zong an si kho. Hei chim duhmi cu kanmah cio tein duhmi kan ngei cio. I minung hi mah sinak te inunpi nakin mi sinak le sining aa nunpitu kan tam deuh. Tahchunhnak ah: Amah bantuk mit ngei ning law; hmur ngei ning law; hmai ngei ning law...tbk. ruahnak le duhnak ngei mi hi kan tampi.
Cu kan duhmi minung vialte hna cu kan duh hna i kan tliahchan ngaingai hna. Anmah bantuk si ve le um ve zong kha kan duh. Zeimaw caan ahcun kan ziaza ah a hung cang len tawn. Anmah awchuah bantukin kan aw zong kan chuah, anmah sammeh bantukin kan sam zong kan i met ṭheo, anmah bantukin kan ṭhu kan dir tawn. I hi vialte hna hi, a ṭhang lio kan caah (a hleiin kum 12-20 kar hrawng) cun nitin kan nunnak ah kan i ṭhanpi lengmang mi an si. Anmah lawngte kan ruah hna nakah kanmah le kanmah kan iphilh ṭheo tawn. Cucu kan palhnak a si.
Hi lio caan ahhin kan hngalh awk thil a simi cu: Pathian nih hin sinak a ka pek; amah muicuang in a ka ser, amah bantuk in a ka ser, cucaah hi sinak cu ka caah khuaruahhar le a thukmi a si, tihi a si. Mah le mah icohlan deuhnak, mi sinak nakin mah sinak i nunpi deuhnak nunnak hi kan ngeih awk a si. Zeicahtiah, ho paoh hi khuarahhar le thuk ngaiin--tinhnak he sermi kan si. Ser palh sualmi kan um lo. Kanmahte tuin palhnak kan tuahmi hna cu; mi sinak lawng inunpi duhnak le mi sinak lawng nunpi i zuamnak kan ngeih mi hi an si.
Zeitluk in anmah sinak cu inunpi hmanh usih law, kan si khawh bikah anmah changtu lengmang kan si ko lai. Zeiruang tiah cun anmah cu kan si lo cu ta. Epal kung nih epal thei tlaiter kha har in a hmu lem lai lo. Theithu hna epel kung in tlai ding sisehlaw epel kung nih a tlaiter kho lem lai lo. Kanmah cu bantuk cu kan si ve cuh! Kanmah sinak te inunpi awk ahhin har ngai in kan i zuam a hau lo cuh. Fawi tein kanmah sinak ah ilawmh i inunpi hi a si ve ko. Ahar lem lo.
Nick Vujicic hi kut le ke loin a chuakmi a si. Kut le ke ka ngei lo tiah lungdong in rak um sehlaw a tuanbia hi theih a um hnga lo. A sinain, Pathian nih sinak a ka pek ve, i hi sinak hi kaa nunpi awk a si ti a theih caah, nihin ni ahhin mi tampi caah ruahchannak le thazaang ṭha a si. Nick lawng hi a si lo. A dang vawlei cung minthang tampi hna--sinak der he aa thokmi an tampi. Sihmanhsehlaw an donghnak cu a sunglawi i a lianngan. Zeicahtiah cun tinhmi he sinak pekmi an si kha an i hngalh caah a si.
Nang le kei zong nih Pathian nih hin a thuk le khuaruahhar a simi sinak a kan pek tihi zum uish. Hi biatak hi cohlang hna usih. I nunpi hna usih. Kanmah le kanmah ihneksak hna usih. I zuam hna usih. Ṭuan hna usih law kan caan hi kanmah kan sinak te he hmang hna usih. Zeicatiah caan hi pek cio mi kan si. Mi caan kan hman a hau lo i mi nih kan caan an hman a hau lo. Mi sinak kongah fak tukin buai hna hlah usih. Kan sinak cio hi inunpi cio hna usih.
