***Thlacam Zungzal***
© Vanceulian
Zing fatin leng ah kaa chawh-hleh tawn bantuk in kaa chawh len lio ah, ka pawng ah 'hnawm-phur' motor cu a hung dir. Cu motor mawng pa nih hin lam sining a kal hal rua lai tiah ka ruah. Cunak cun, kum-nga a si liomi a fapa hmanthlak tu a ka hmuhsak. "Ka fapa, Jeremiah," a si hih tiah a ka chimh. Cun, "Sii-inn ah 'seh in congh-hramh chommi' a si tiah a hun peh... Sii le ai man caah tangka bawmh a herh rua lai ti ruat bu tein ka tangka bawm cu ka hun ilak. Sihmanhsehlaw, tangka nak hmanh in a ngan mi thil a ka hal. "Ka hmuh-mi paoh 'thlacamnak in ka bawm u' tiah ka nawl dih. Nang tah zaangfahnak tein na ka campiak kho lai maw," tiah a ka hal. Ka cam taktak. Cun, cu ni cu ka nun khua a nuam deuh ngaingai.
Hmuhsakmi: Thlacamnak hi hmual a ngeituk mi a si. Pathian mi hman hriamnam ttha bik cu thlacamnak hi a si. Cucaah cun, nang zong thla cam zungzal ve. Miller nih a nunnak he pehtlaih in a chimmi biatawi...
