Nitin in kan nunnak nih a tonmi thil hna hi maivan in kan zamh cutmat ttheo - a hlei in Facebook, Twitter, Istagram le Google+ tbk hna ah. Cu ve bantuk cun zeibantuk hi dah hawi sinah ka zamh lai timi ri khiahnak hi kan i chiah a herh ngaingai ve. Maivan hmannak ah thil kan zamh mi zamh lo ding a si mi phun an tam lulh. Cu lak cun zeimawzet ka hun zamh:
1.Na Chuah nithla (Full Birth-date)
Maivan mifir le hlengtu pawl nih an in fir le hlen khawhnak hnga ding caah le na account an fir khawhnak hnga caah na Chuah nithla nih hin a biapi ngaimi theihtlei pelpawi a ngeih. Cucaah na chuah nithla hi zapi sinah zamh len duh hlah. An daw mi na hawile nih cun 'Happy Birthday' tiah cakuat in an in kuat khawh ko.
2. Atu Na Umnak Hmun (Your Current Location)
Facebook status kan zamh tik le Twitter in tweet kan tuah tikah, zei maw caan - a hlei in phone hmangmi nih, kan umnak hmun aa zamh chih tawn hi kan thei tawn lo. Umnak hmun hi a biapi ngaingai mi a si--a hlei in ramttha um kan ca ko ahhin--technology a san bantukin vawlei a bi. Atu kan umnak hmun cu zamh chih hna hlah usih.
3. Na Inn Hmun (Your Home Address)
Ho nih dah na profile a zoh ti hi na thei lo. Profile cu mikip nih an zoh khawh mi a si. Mifir le mitthalo nih na inn hmun (home address) an theih sual ahcun an caah lam a kau tuk cang. I ralring usih.
4. Nangmah-ta hrimhrim simi Phone number (Your Real Phone Number)
Na Facebook Timeline thengmang ah na phone number chiah nak in, na siaherh mi na hawinu/hawipa kha ttha tein pe ko hna. Na theih bal lomi minung zong nih na timeline zoh in na phone number an lak khawh, i an duhduh in an hman khawh.
5. Hmunhma Huapmi Hmanthlak (Pitures with Geotags)
Nangmah theih lo pi zong in na hmanthlaknak ah hmunhma huapnak hi aa awng kho mi a si. Phone setting in kal i thah khawh a si. Hi Geotags hi Road Map tlukin thil ti khawhnak a ngei.
6. Khualeng nuamh timtuahnak ( Vacation Plan)
Hmun khatkhat, kaa khatkhat ah cucu e, khakha e ka tuah lai tiah na timeline status ah zamh-langh len hlah, cu nak cun, nuam tein caan na va hman hnu; hmanthlak tthattha le dawhdawh he inn na phanh hnu tu ah na duh cun zamh te hna.
7. Na chungkhar le unau nih hmu hna seh ti na duh lomi thil
Na Facebook timeline ah status na post hlan ah, i ruat hmasa, mah hi ka u ka nau nih hmu hna hlahseh na ti ahcun na post lo ah a ttha deuh. Biana ah: na u le nau he nan isiknak kong kha hei zamh len law; silole, zapi hmuh awk tlak loin zukcuang ttukttak maw hei zamh law...cu nih cun na min an chiat ter lai.
A dang zatlang pi huap in tuah le tuah lo ding tampi a um rih lengluang ko. Nain, a cung lei i langhter mi vial nih ka donghter. Minung cu a nungmi kan si bantukin ralrin zong kan herh hringhran ve caah, nuamh kan duh bantukin nuamhnak nih a herhmi himbawmnak kha kawl chih hna usih law ngei chih hna usih. Online in thil kan zamh tik le kan langhter tik ahhin ralrinnak te he zamh le langh i zuam hna usih. Kanmah le kanmah kan ikhamh a si ko.
1.Na Chuah nithla (Full Birth-date)
Maivan mifir le hlengtu pawl nih an in fir le hlen khawhnak hnga ding caah le na account an fir khawhnak hnga caah na Chuah nithla nih hin a biapi ngaimi theihtlei pelpawi a ngeih. Cucaah na chuah nithla hi zapi sinah zamh len duh hlah. An daw mi na hawile nih cun 'Happy Birthday' tiah cakuat in an in kuat khawh ko.
2. Atu Na Umnak Hmun (Your Current Location)
Facebook status kan zamh tik le Twitter in tweet kan tuah tikah, zei maw caan - a hlei in phone hmangmi nih, kan umnak hmun aa zamh chih tawn hi kan thei tawn lo. Umnak hmun hi a biapi ngaingai mi a si--a hlei in ramttha um kan ca ko ahhin--technology a san bantukin vawlei a bi. Atu kan umnak hmun cu zamh chih hna hlah usih.
3. Na Inn Hmun (Your Home Address)
Ho nih dah na profile a zoh ti hi na thei lo. Profile cu mikip nih an zoh khawh mi a si. Mifir le mitthalo nih na inn hmun (home address) an theih sual ahcun an caah lam a kau tuk cang. I ralring usih.
4. Nangmah-ta hrimhrim simi Phone number (Your Real Phone Number)
Na Facebook Timeline thengmang ah na phone number chiah nak in, na siaherh mi na hawinu/hawipa kha ttha tein pe ko hna. Na theih bal lomi minung zong nih na timeline zoh in na phone number an lak khawh, i an duhduh in an hman khawh.
5. Hmunhma Huapmi Hmanthlak (Pitures with Geotags)
Nangmah theih lo pi zong in na hmanthlaknak ah hmunhma huapnak hi aa awng kho mi a si. Phone setting in kal i thah khawh a si. Hi Geotags hi Road Map tlukin thil ti khawhnak a ngei.
6. Khualeng nuamh timtuahnak ( Vacation Plan)
Hmun khatkhat, kaa khatkhat ah cucu e, khakha e ka tuah lai tiah na timeline status ah zamh-langh len hlah, cu nak cun, nuam tein caan na va hman hnu; hmanthlak tthattha le dawhdawh he inn na phanh hnu tu ah na duh cun zamh te hna.
7. Na chungkhar le unau nih hmu hna seh ti na duh lomi thil
Na Facebook timeline ah status na post hlan ah, i ruat hmasa, mah hi ka u ka nau nih hmu hna hlahseh na ti ahcun na post lo ah a ttha deuh. Biana ah: na u le nau he nan isiknak kong kha hei zamh len law; silole, zapi hmuh awk tlak loin zukcuang ttukttak maw hei zamh law...cu nih cun na min an chiat ter lai.
A dang zatlang pi huap in tuah le tuah lo ding tampi a um rih lengluang ko. Nain, a cung lei i langhter mi vial nih ka donghter. Minung cu a nungmi kan si bantukin ralrin zong kan herh hringhran ve caah, nuamh kan duh bantukin nuamhnak nih a herhmi himbawmnak kha kawl chih hna usih law ngei chih hna usih. Online in thil kan zamh tik le kan langhter tik ahhin ralrinnak te he zamh le langh i zuam hna usih. Kanmah le kanmah kan ikhamh a si ko.
