Nikhat cu, tiva pakhatkhat a reu ngaingai mi ahkhan Uitlak pakhat le ti-cawmpei an um, ti a si. An umnak hmun cu a kao ngaingai caah le, a reu ngaingai cang caah, an har sa ngaingai, ti a si.
Cucaah, Cawmpei pahnih nih cun; Uitlak sinah cun hi ka tiva i kan um peng ahcun kan thi lai. Ruahnak pakhatkhat tal kan chim law, hmundang kawl tuah usih, tiah an ti. Uitlak nih cun...'cu ka tiva cu...' va zoh uh, tiah a ti hna.
Cawmpei nih cun an va zoh. Arak ttha hringhrna. Tidil ngan ngaingai pakhat zong, a si caah hmunnuam ngai ding a si. Uitlak sin ahcun cawmpei pahnih cu, 'thawngttha he an rak kir'.
Uitlak kha cu zawn zong thiam lo caah cu hmun cu a phan kho ding si ti lo. Awlok-chong in an um. Caan tlawmpal an tuaktaan hnu ah ruahnak pakhat he an hung chuak.
Cawmpei nih khan thing-tte pakhat kha, kan ke in kan cawi lai i...nangnih cu thing-tte cu na ka in na seh lai, an ti. Cun, cawmpei nihcun na holh hrimhrim lai lo, tiah na ti. Na ka na aan bak ahcun na thi lai, an ti ta.
Cawmpei nih cun fung cu an cawi i uitlak nih cun a seh. Van lei ahcun an vung zuang. Lam tanttim an hun phak bak ahkhin, "Mipi nih an hmuh hna...Cu tluk cawmpei thluaktthat le fim cu an ti hna...
Uitlak te nih cun 'Keimah' an ka telh ve lo tiah, "Keimah zong kaa tel ve ko...Keimah ruahnak chuahmi a si..." tiah a au.
Cu caang ka cun, uitlak te cu a tla i a thi. Tiva thar ah nung hmang manh loin a thi. Cawmpei pahnih lawng tiva ahcun an hung phan kho.
Hmuhsakmi : Porhlawt le Keimah ti duh tuk hi tlaknak ngan pi le thihnak tiangin sii-vai ttha lo ngei mi, a si.
