Vuikhat cu cehngia pakhat kha rap nih a fawih. Har ngai le fak ngai in a zuam hnu ceo ah a luat. Nain, a caah ngaihchiat awk ngai a si mi cu, aa dawh ngaingai mi a mei cu rap nih a tan piak. Rap nih a tlaih.
"Zeitluk in dah ka muichiat cang lai!" tiah cehngia cu a hrum-ai len, " Adang cehngia pawl nih an ka nih sawh cang ko lai lo maw?" tiah a hrum len.
Fak piin khua a ruat, cahngia nih cun hawi nih nihsawh ding dirhmun in i chanchuah dingah ruahnak pakhat a hun ngei. Zapi tonnak kha a vun auh i hawidang kha chim hna, " Unau rual! zeiruang ko ah hen dah, hi mei sau pipi hi kan i thlaih thluang ko, tihi nan ruat bal ve maw?" Tan dih hna usih law, an chuah pi mi hnahnawhnak in luat tuah hna usih, tiah a ti hna.
Sihmanhsehlaw a dang cahngia rual nih a mei aa tan ko kha an hmuh. Thang taktak in an nihsawh i, " Na mei a rak um lio ah khan cun, a ttha tuk na rak ti ko kha tah. Tu na mei na thlau ruang ah maw, kannih rual zong thlau ve hna seh, ti na kan duh?" tiah an nihsawh.
Hmuhsakmi : Hlenthawinak ttha lo cu a caancaan te lawngah a si kho tawn.
