 |
| Lawmhnak |
Sihmanhsehlaw minung pakhat theng te khi, "Naa lawmhnak/nuamhnak hnga caah caan na ser/pe kho ma?" tiah hal hna hmanh, lehnak cu, "Ser lo" tiah a si tawn lengmang lai.
Chikhatte silole ruah loin pi in cun, caan hi kan pek khawh cio ko hnga.
Nitin in, i lawmhnak/nuamhnak kan hmuh khawhnak hnga ding caah caan kan upat a hau, i a hman zia kan thiam a hau.
Naa lawmhnak/nuamhnak hi a nungmi sinak ah ser i zuam. A si hau.
Na ih lai maw, silole na thawhka hrawng ahkhin suimilam cheu hrawng khi i din ta, i dai ta law; khi lio caan ahkhin thil na tuah bal lomi tuah ding kong ruat hna. Lawmhnak le nuamhnak a ṭhawnter kho tu ding thil pawl khi ruatta hna.
Nifa tin in, i lawmhnak le nuamhnak na ngeih ahcun, hihi na ngeih khawh hna:
1. I ngaih awktlakmi thil hna
2. I lawmh pi awktlakmi thil hna
3. Nangmah ca hrimhrim ah simi thil hna.
Hi lawmhnak le nuamhnak caan he hin zei na tuah lai? Piasentari hmanh a hau lo.
1. Zuammi a thar kawlnak caah na hman khawh
2. Caanṭha tam deuh hmu ning naa ruahchan lio ah hihi na tuah khawh hna – zuk suai, milu nalh (painting), caṭial, silole zeimaw dangdang
3. Pum cawlcanghnak caah lam, lamkal, lentecelh, silole zei dangdang
4. Tuaktan--Dai tein um law na thaw luhchuah tlianter i zuam, cun din tein khua ruat law ruahnak ṭha lo kha hlonh dih hna.
5. Lentecelh caan – pumpululh, arhmul tuk, kutbengh pumpululh, silole saikal icit in na pum rihnak zaan ter i zuam
6.Tak khawlh--ruahnak mui nih an hamh i lungdonghnak nih an huai ahcun; na tak i khawlh colh ko. Tisa nawn silole tikik nawn khin van i surh law hla isak pah thluangthluan ko.
Caan pe: Nitin in na tuah khawh lo hmanh ah, zarhkhat ah vuihnih thum te zong khin caan pek a zuam. A herhmi a si, i hi thil na tuah ruangah na tangka dih lai, na nunnak dih lai lo; na buaibainak le ṭemtawntu vialte tu an dih lai.
Nikhat na tuah lai, zarh in na kal lai, thla ah na lut; khi hnu khin cun, ziaza ah a cang len lai, i kumpi chung zongah fak tukin ngaihchiatnak nih an hrem ti lai lo.
