Tuar A Har
Tlamtling in ka langhter khawh lomi kan duhdawtnak,
Din loin kei ka ttang cungah a linhsat lio ah,
Duhsah in, nang na caah a kih duaimai ko hi,
Ka lungsia cu a rem kho hrim lo, ka dawt.
Ka hmurka nih maw a tlinh lo, ka tuahsernak nih dah a phanh
lo?
Silole, na lung nih dah a fuh ti lo kan duhdawtnak?
A uai, a ttil lai par bang, a hlun mi rim le ra he,
Na nunnak vawlei cungah a tlu rua – kei kan duhdawtnak.
Na caah a tho i, na caah a tlu mi duhdawtnak,
A tuar ding fahnak chungin khamh kaa zuam lio ah:
Ka uk lomi caan nih a ka hnek;
Ka tei lomi duhnak nih a ka nek,
In khawh loin kei zong duai, ka tuar.
