1) Minung kan lungthin hi ralram asi; cu he ai ralkah mi cu daihnak asi. Kan ziaza hoih in kan nunphung ah kan hman hna…
2) Atu a tthang lio Vakok nih dah ngai, aan pei thlir in Vanzuang hla tiam hna kaw; ‘kannih Laimi cu’ ti hmanh an thiam lo—Laimi cu an ti men. Hmailei caanah lungkak chuak an I ti te lai maw? Thingkak chuak an I ti te lai dah? Amah le mah ai pheomi minung kan si…
3) TThancho khua kan dawn kan ti lio ah, zawng-para-thlei zong an rak um ve hoi. Adil na sat hna he fimzernak khur chungah kan pil dih hna…
4) Miphun dawt, khuaram dawt, chungkhar unau dawt, hawikom dawt tbk hna hi dawtnak taktak kan ti tawn hna. Kan palh lem lo. Nain cu dawtnak apek zia tu kan thiam lo. Mi kan dawt hna kan ti cu: an caah fahnak kan tuar, retheih kan tuar, thilrit kan tuar piak hna hi asi, I lunglawmhnak kan pek hna hi asi. Cu lunglawmhnak nih cun an lungthin daihnak ah a chiah lai, I dawtnak ram ah a lenpi hna lai. Mi caah thinhun, biavaih, ruahnak nal…ngeih hi dawtnak chung cun achuakmi asi lo. Asi naisai lo. Nemmam!
5) Kannih Laimi hi mikei kan bang. Kan bang ngamsam. Tawmei thuh a thiammi miphun kan si. Uico nih cun a ttih mi hmai lawngah a tawmei a thuh; cu ve bantuk te cun, kan ttih mi sin lawngah tawmei a thupmi kan si. Kan ttihmi paoh nih hin thilttha a kan pe tawn lo!
