Lungkuai Tuanbia

"Lungkuai Tuanbia"

Kei ka thinlung hawikom tha,
Cerlian bang maw liam ai ee.
Sianlo ni hnuk in zuun thlemtu kei,
Ka thlak mitthli dor nih luang ai hna,
Aizel suimilam kut sinah dorkhat tete'n an cat.
Ka nawl Khuazing sinah:
Run samh rih law kei ka van,
Phai len rih ning kei ro tuanbia;
Siseh a mui nikhua liam ser in,
Tlaih khawh lo lungthin tuar in,
Kai bualhpi a kuai thinlung.
Thlatangnu tal vaarlo maw ka thin,
Muihnak nih cun hnemh tong hnga maw ka Nun?
A nahchuakmi thlavaar tal a len lo,
Ka zian kei ka caan,
Ka deh thinlung kuai fahnak he,
Kaa hngilh-lanhpi ihrampi buin;
Ka nun a kik zunngaih thlizil ruang,
Kaa nawh ruahnak pelpawi hrut,
Hi vawlei zong hi a kuai chih.