Rian ngeitu pakhat khat he naa chawnh tikah an mit na zoh hna ma? Na thinphang tawn ma? Hmurka ttha tein na chawnbia tawn hna ma? Na kut naa sih tawn ma(folding arm)?
Rian kawl hi zeitik paoh ah kawl khawh asinain kawl caan paoh hmuh khawh si tawn lo. Cun, interview naa tuah caan ahhin cheukhat boss nih cun na pum cawlcangh ning an zoh ngai lai.
Buaktlak in 10% - 20% hrawng lawng hi pum cawlcangh biapitnak sihmanhseh-- na chimrel mi tlamtlin deuh nak hnga caah an biapi, i na herh ding mi an si.
A si. Ding teomo tein tthut le dir nih siseh, na kut i sih lo nak nih, interview an tuahtu he tluang tein chawnh-biak khawh nak caan, an hmuh ter lai.
Rian ngeitu pakhat nih a chimmi cu, "Rian na kawl tikah: zeitin mi kut na tlaih, an mit na zoh hna i mithmai panh he na chawnh hna, tbk nih...rian hmuhnak ding ah caanttha tampi an pek khawh..." a ti.
Biapi ngai si hna cu...
Kuttlaih (handshake)
Kuttlaih i tlaih tikah: tuah tawn mi pei si cu ti menmen ding si lo. An mit zong ttha tein na zoh chih hna lai. Cun, mithmai panh te he na chawnh pah fawn hna lai. Tc: na dam ma? Kaa lawm tuk! tbk...
Na ton hna le cang ka in an kuttlaih, cun interview na dih hnu zong ah tlai hna...Interview zei na rel zong a si i, na boss te upat-hmaizahnak na pek hna zong si. Cun, hawikomhnak pakhat na ser zong a si...
Na umtu tthutdir siarem tein tthut dir zuam.(Your body position)
Ka ngah sual lai lo tiah ttihttih phangphang le ngawng ko in um hlah. Siarem tein tthutdir khawh i zuam. Interview tuahtu hmai ah, kun tbk, tthutdan i hnohchan tbk, hmang hlah. Mitha thu ah an in hmuh lai i rian na hmuh kho lai lo.
Mit tonh.(Eye contact)
Mittonh ti tikah: na kong he pehtlai in biahalnak an in ngaih tikah siseh; na leh tik hna ah siseh, an mit na zoh tawn hna lai. Cu nih cun naa biatak le biatak lo zong a hmuhsak tawn. Tc: biahal le leh lio ah pawngkam hna zoh pah len law...zumh na tong lai lo. Amah belte an mit lawngte kha zoh peng hna hlah. An i phuhrung sual lai he :)
Na kut i sih hlah.(Unfold arm)
Na kut kha cabuai cung zong ah chia ko, silole, na chim pah len lio zong ah cawlcangh ter pah ve ko. Interview an in tuah lio i na kut naa sih citcet ah na dih ko cuh! Mi zeirello mi ah an in hmuh colh lai. Interview hmanh na dih manh lai lo...na chuak colh lai. :(
Mithmai panh tein um zungzal.(facial expression)
Biahal le leh lio ah tletle buabua in um hlah. Merh pah, ni pah. Cu nih cun nan biaruah a tluan ter ngaingai lai i hma nan kal ngai lai. Amah belte; thang tuk lawmmam in ni hlah :) mental problem ngei mi hna ah an i ruah sual lai :)
Rian na kawl tikah hi kong hi philh te hlah :)
