Din le Ei kong ah I ralrin awk hna:
A ngandammi ti le rawl ei hi ho ca
paoh ah a biapi mi a si. Zumthlum/Thlithlum zawtnak ngei mi caah siseh, a ngei
lomi caah siseh, a biapi. Rawl man fakfak na cawk a hau lo. Ṭha
te tuin din le ei kong ah
timhtuahnak ngei.
A ngandammi ‘pum rihzaannak’ ngeih khawh I zuam-
Ho ca paoh pum
rihzaan ngandam hi biapi mi a si ko, sihmanhsehlaw zumthlum le thithlum a ngei
caah cun a herh tuk mi a si. Zumthlum le thithlum zawtnak a ngeimi caah cun,
luan tuk in thaunak nih hin thi chung ummi kulukut zohkhenhnak (thlopbul) a har ter khawh.
Cu nih cun lungzawtnak zong a chuah ter, i a hlei in ban thaunak te hna zong a
chuahpi.
Na ei kel tein rawl kha ei
Zumthlum le
thithlum zawtnak a ngei mi caah a laklak in rawl einak nih hin thi chung ummi
kulukut zohkhenhnak a har ter khawh. Cucaah, na ei ning kel tein rawl kha ei
lengmang I zuam.
Rawl na ei tikah din-ei awk phunphun hi ei chih I zuam hna:
Rawl na ei
tik paoh, din-ei awk dangdang a tanglei I langh mi hi ei chih hna:
- Kut zapei zat ngasa, vun ngei lo artit, thau aa tel lomi satit silole arti, a silole anhringso lawng eimi na si ahcun, behrum, peti mu phun paoh, silole thingthei
- Salat kha a tam khawh chungin na ei lai, cun sui thingthei (khazianchinti), kherot, zil le sarawpe tibantuk kha tam piin na ei hna lai
- Rawl (facang, fathau), aalu, kaw-awm, peti, thau a tlawmmi cawhnuk, yoghurt le thingthei hna kha tlawmpal tlawmpal tein ei piak chih fawn hna
Thaunak a chuah pitu rawl phun ei kha ri i ser:
Thaunak aa
telmi rawl na ei ruangah na pum rihzaan a karh kho. Hi rawl hna hi a si khawh
chungin hrial I zuam hna:
- Cawhnuk thawpet, cawhnuk kham, vokthau, cawthau, arvun, voksa eltit, voksa a tlaptlap tein an permi, vokril chung sa rawnmi—hi hna hi hrial I zuam hna. Na thi umkal ning an kai ter khawh, i cu nih cun lungzawtnak a chuahpi khawh.
Cite na hman tikah i ralring:
Cite tamtuk
einak nih na thi a ṭhihkheih khawh, i cu nih cun na zumthlum le thithlum
zawtnak kha a zual ter lai, i damh khawh ti lo tiang in a phan kho. Na chumh
khin mi rawl ah cite paih hlah, cun cite na ei tik zongah tlawmpal picik te
lawng in ei fawn! Na ei lo hmanh ah a ṭha.
Cite tampi a
zawimi rawl (rawl al) pawl hna; thirbu chung chiah mi rawl, tahchunhnak ah ‘nga-bu’
tibantuk; rawldawr an zuarmi chumh cia mi rawl tibantuk hna kha hrial I zuam
hna.
Zu ding hlah!
Cini tamtuk hmang hlah:
Cini tlawmpal
tein din le ei cu a poi lem lo, sihmanhsehlaw tamtuk in ei hlah. Cini tampi in
sermi dinhang; ‘kik hang (sweet drinks or soft drink), kek (cake), le bisakut (biscuit) changreu silole zei bantuk muthai (lollies) paohpaoh
kha ei hna hlah.
Biazeet: Hi cabia hi mah pumpak ruahnak sawhsawh men thaimi a si lo. Amah Zumthlum/Thlithlum zawtnak dohtu bu nih phaimi a si.
