Thlantlang le Hakha kar lam cu chia hrat kaw, motor cu a tur bak in a tur tawn. Cu ahcun, motor rit uar ngang i khualtlawn uar ngang mi patung no zong a cuang ve, ti a si.
Vanchiat-vanṭhat ah nungak no dawh nawn te he ṭhutdan khat ah an ṭhu ṭi. Motor cu chupchap-chupchap ti'n a vun i hlok len cang. Timit phak lai ahkhin cun a celh ti lo a luak bak a luak, ti a si.
A luak cu anṭamfe le chihlam lawng te si kaw, a nam hringhran ti a si. Ningzah celh lo ah, a luak cu a kutdong in a hei hawh i, "A nu ka ti lo! Ka ei lo pi bak ka luak," tiah nungak nu hmai ahcun biasi a phai an ti.
