Vuikhat cu, a tar ngaingai cang mi tarpa cu 25 a simi, a fapa he dum tthutdan an tthu. Cu tthutdan pawng ahcun thinkung, a um. Thinkung cung i va an i fut cu, tarpa nih cun a hei hmuh. A fapa cu a hal- mi khi zei a si? A fapa nih cun- van zuang tiah, a chimh. Tarpa nih cun a hal tthan: mi khi zei a si? A fapa nih cun thinhung ngai in khin- van zuang a si kan ti cu, tiah a au hnawh.
Tarpa nih cun mi hi zei si tiah a hal tthan. A fapa nih cun- na hna ma chet, ka pa? tiah thinhung ngaiin a leh. Vanzuang hmanh na theifiang kho lo ma, tiah a ti.
Tarpa nih cun lungsau tein- ka fapa, kum 5 na si lio ahkhan, vui 174 na ka hal. Aa khatmi na biahalnak vialte cu- Vanzuang tiah lungsau tein kan leh dih! A tu, vuithum kan hal i na ing na ka puanh hnawh, tiah a ngaihchia.
Hmuhsakmi: Nu le Pa nih fale an dawt hna ning le, fale nih nu le pa an dawt hna ning aa dannak, asi. Cucaahcun, na Nu le Pa daw hna. Fahnak pe hna hlah. An zawnruat hna.
