pi lengmang. An nu le pa nih hin, anmah pahnih cawnpiaknak caah hin an si khawh tawk in tuah awk hnga cu an tuah cang, nain, an thleng kho hlei hna lo. Inn chungkhar thilri tlam a tlin lo, a rawh sual le a tlau sual ahhin puh lengmang an si.
Lungdongh vansan tuk ah an Khrihfabu Pastor pa kha an auh i bawmh an hal. Pastor pa nih cun kan bawmh ko hna lai, a ti ve hna. Amah belte cu, vuikhat ton ah pakhat lawng in ka ton hna lai--a ruang cu hmakhat te i pahnih cu a har deuh lai ti'n ka ruah tiah a chimh hna. Cucaah, a hniang pa cu an kal pi hmaisa.
Pastor pa sin ahcun an phan. Zung khan ahcun Pastor pa he cun an ṭhu ṭi i, i chawnbia lo veve khin dai semsuai te cun an i zoh veve. Caan sau nawn Pastor pa he hmaitonh in an ṭhutṭi hnu ahkhin, Pastor pa nih cun bia a hal.
Pastor pa: Khoi ahdah Pathian a um?
Ngakchia: Biahalnak cu let loin, ṭhutdan cung ahcun aa tuai sawh.
Pastor pa: (Tlawmpal aw fak deuh khin) Khoi ahdah Pathian um, kan ti cu?
Ngakchia: Zei chimrel hlei hlah--cuka ṭhutdan cung ahcun aa tuai salam men.
Pastor Pa: (Tlawmpal thinhun pah bu khin) Khoi ahdah Pathian um kan ti cu, a vun ti pah khin, cabuai cu 'kung' tiah a van cumh pah.
Ngakchia: A lau ciammam i, a rannak in ṭhutdan cun a ṭum i an inn lei ah a va tli. An ihnak khan ahcun a vung lut i a rak zau mi a upa cu, "Ka u, tho zok! Kan zam hau hih! Pathian a tlau rua i kanmah a kan puh hoi cang hih! Tho! Zam usih tiah a upa cu a va au hnawh...
