Hi chunglei-hngalhnak/ruahnak hi mi tampi nih cun kan teh ning aa khat cio lai lo nain, a tak si zungzal mi cu Khrihfa sinak cu m¿ithar sinak he nunnak thar kha I thok, duhmi thar, ruahchanmi thar, sining/dirhmun thar, hnangamnak tling, nunnak buaibainak vialte intuar khawhnak thazaang thar le ṭhawnnak thar ngeih hi a si ko.
Paul kha aa thlen (hrinṭhan) hlan ahcun hrang ngai le zaangfahnak ngei hin loin Khrihfa ṭemṭawntu le hremtu a si. Damascus khua Judah pumhnak inn haotu pawl sin I theihhngalhnak ca kha a hung hal. A duhnak cu khi khua ah khan Bawipa Lam a zulmi ka hmuh hna ahcun nunu papa thlu loin ka tlaih hna lai I Jerusalem ah ka kalpi hna lai, ti hi a si.’(Acts 9:2). ‘Bawipa Lam’ nih, fiang tukin a hmuhsakmi cu Khrihfa sinak le Bible nih a hrinhfianhmi Khrihfa nun hi si. Isaiah nih, ‘Thiannak Lam’ tiah a auh (Isaiah 35:8); David nih, ‘Dinnak Lam’ (Psalm 1:6) tiah a auh; Luke nih, ‘Pathian Lam’ tiah a auh; Paul nih, ‘Daihnak Lam’ tiah a auh (Romans 3:17); cun Peter nih, ‘Lam Ding’ tiah a auh (2 Peter 2:15). (Isaiah 53:6) chung I Bible chimmi hi kan theih cio ko lai, ‘Kanmah duhnak cio paoh ah kan rak kal,…I dantatnak cu Amah tu nih a in’. Khrihfa (Khrih zultu) sinak ding ahhin kanmah duhnak lamṭhalo zulh hi kan ngol a hau, mah le mah I uk khawhnak nun kha kan ngeih a hau I, Pathian lam zulh le a duhnak tuah kha kan zulh a hau (1 Thesalon 5:9).
Biaktak ngai in khuaruahhar a simi cu, Pathian Amah hrimhrim nih a kan kawlmi hi, Amah theihhngalh khawhnak ding lam a kan on piak hi a si. Pathian nih, kan sining hlun chung in chuah I sining thar ah nun, tinhmi thar, ruahchannak thar le daih hnangam lawmhnak thar he nunnak a kan pekmi hi a si. Sualnak hi zeidah a si le Khrih thawngin zeitin a kan teipiak ning zong kha a kan chimh. Kan caah a kan tuah piak dih!
Khamahnak timi cu Khrih chungah nun hi a si ko, Khrih kha ka Bawipa le Khamhtu a si ti hngalh I zulh hi a si ko. Ngaihthiam kan si, Pathian lungrethei in a um caah, Khrih cu hmang in kan sualnak vialte a ṭawl dih. Cucaah, sining thar a hung ṭhang cang, I Pathian duhnak cu, Amah kha kan theih I, Jesuh Khrih kha kan I tlaih I, kan dawt I Amah bantuk in ṭhawn ve le thian ve hi a si ko, Amah ṭhawnnak hmang in.
Kan nunnak chungah a ra. Amah nih cun a kan ṭhawn ter lai I a kan hruai lai. Khrihfa nunnak ah, pehtlai tein Pathian he nitin ipehtlaih lengmang hi a biapi ngaingai mi tawhfang ngan pakhat a si. Satan nih hin Pathian lam hi hrawh le ṭhio aa zuam lengmang—hawikom sinin, chungkhar sinin, kan dirhmun le thil sining chungin, kanmah le kan ruahnak chung lila hmanh in—cu bang thil hna, mah le mah harnak I pek men, ruahnak thil men na tuah tibantuk khin a kan dirorh tawn lai. Kan lung I tuaitam hna hlah usih, zeicahtiah, Khrih nih pei Satan cu a tei cang cu, I Khrih chung a nungmi kan si ahcun Khrih sinak le ngeihmi paoh kha kan ihrawm kho.
Nihin Khrihfa tampi nih hin kan chambaumi cu: Pathian kan nunnak kan pek duh lo, kan uk ter duh lomi hi a si. Biatlang fawi a dik ngai ṭungmi dirh tuah hna usih, khamhnak he pehtlai in:
• Pathian nih a kan dawt kan hngalh khawh hrimhrim
• Pathian ta kan si (Khrih chung kan nun) le Khrih kan chung a nun kha kan hngalh khawh hrimhrim
• Pathian nih kan caah timhmi a ngeih kha kan hngalh hrimhrim lai, a kan kilven lai zong
• Pathian nih dingte le fel tein kan thlacamnak a kan leh zong kha kan hngalh hrimhrim lai.
Khrihfa kan si ahcun Amah Pathian kan duhnak hi a ngan chin lengmang le a ṭhawn chin lengmang awk, a si. Cucaah cun, Amah theihhngalh khawh deuh nak hnga caah, a kan pekmi cauk hi rel lengmang hna usih, Bible hi. Thlacamnak in chawnbia lengmang usih. A nawlbia ngai hna usih, ṭihzah usih, upat usih law I bochan hna usih. Cuti kan tuah a si ahcun, Khamhnak kan hmuhton ning le kan teh ning hi a ṭhang cuahmah lai I nutling patling kan si ve ko lai.
