Poipang ngaiin chawnhmi doctor pakhat cu hnawhnam ngai in khin hlainak-sii-inn ahcun a rak lut. Phone a chawnh pah bu cun, a thil ai thleng pah cuahmah i a rannak in hlainak khan ahcun, a lut. Cu ahcun, pa ngakchiapa i a pa nih; phang ngaiin sii-inn chungin arak ngah ko cu a hei hmuh.
Pa ngakchiapa i a pa nih cun, a vun auhnawh colh, " Tuhnu ceo lawngah na rak rat? Ka fa nunnak thihnak chung a um cang hi na thei lo maw? Tuanvo ka ngei titah a ruahawk na hngal lo maw?" tiin...
Doctor pa nih cun a merh siamah pah khin, " Ka ngaithiam, Sii-inn chungah ka um lo caah a si, phone an ka chawnh le cangin a rannak in ka ra tli ve ko hih, Cun dai tein um ko law, cuticun, kei zong nih ka rian cu ka lim ve kho lai," a ti.
"Dai tein um ko e?! Tu bantuk caan ah nangmah fa lila hi tin um ve sehlaw, na dai ve lai ma? Doctor na hngah lio ah na fa thi sehlaw zeidah na tuah lai??" tiah thinhung ngai khin a au. Doctor pa cu a merh tthan i, " Kan si khawh tawk in kan i zuam ve lai, nang zong nih, hi na fa nunnak caah hin Pathian sinah thla na cam ve awk si," a ti.
A pa nih cun, " Kan lungretheih lo lio caan i mi lungrethei ruahnak cheuh cu fawi te ko cuh," tiin a phunzai.
Hlainak cu caan zeimawzet hnu ah a vun i lim. Doctor pa zong cu lawm ngaiin, " Bawipa a ttha! Na fapa nunnak a him!" a vun ti. Cun, a pa bialehnak ngang loin sii-inn cun a rannak in a chuak tthan. A rannak in a kal pah ahkhin, "Biahalnak na ngaih ahcun, nurse nu kha hal te,"tiah a ti taak.
"Ziah hitin mi zei a rel lo? Ka fa sining zei a lawh ti hal awkah minute pakhat hmanh maw a ka ngan zuam lo tiah," ngakchiapa pa cu nurse nu hmai ahcun a zai pah len. Nurse nu biangkil ahcun, mitthli a hun luan pah khin, " Nizan poipang ton sualnak ruangah a fa a thi, phone kan chawnh lio ah khan a fa vuinak ah a um lio a si," tiah a vun chimh. Cun, tu hi na fa nunnak a khamh cang caah, a fa vuinak cu va lim lawlaw dingah a kir tthan bia a si, tiah a vun chimh tthan.
Hmuhsakmi: Mi zeihmanh hi an sining taktak le an nunnak taktak na theihhngalh dih hlan ahcun; bia va ceih hrimhrim hlah.
