Dawhnak

Dawhnak

Takvun, cuar, thlung le tungtai ah a lang kho
Ruahnak, tuahsernak, thinlung, thlaurau ah tling in um tawn
Bia le hla, aan le ka, zai le hla
in a pau kho len tawnmi kokek sinak pakhat

Tlamtling tein hmuh awkah, caan saupi kan hawl hau;
Dawhnak taktak hmuh awkah, naih tein kan bih hau
Ni le thla a herh, samrel tein rel ding
Mit raltu iang men bantuk khi si lo eih

Khuasik zilthli tuammi cherry par tluk ceo men khi
si lo, thingkep par tluk ceo men khin mu
a sannak si lo; vanmi ko khi a bang
Zingnu kutzung in thuamh hlei kokek sinak pei sifam!