Hi cahmai nih hin zeitin dah 'Caanghnih komh' biazai ṭial ningcang a simi kong a chimrel lai. Hi cahmai hi biazai cahmai tampi lakah pumpak in hei phuah ve mi biazai caang chungin hun samh ve mi khi a si.
Caanghnih Komh biazai cu zeidah a si?
Caanghnih Komh biazai cu mah le mah bia iruahnak zong si kho, mah le mah hlacaang ihlawinak zong a si kho, silole, minung pakhatkhat he biatiam phaiṭinak zong a si kho.
Cu bantuk kha bantuk in ithok sehlaw dong seh ti cu a um lo. A si nain caangkhatnak/caanghnihnak hun thok bak in khin a tang ah '(...)' kulh-pi nih hin a hun zulh ve lai. Cu nih cun, a biapi mi kan biazai, a tlangpi kan biazai--kulh-pi chungah um lomi--he aa rup ning in a hrinhfiah pah lai, cun pehtlai tein zulhpeh awk a ṭha lai.
A tlang cu zat kha zat siseh tiah biakhiah mi um lem lo. Mah nih iziak ning paoh in ṭial le thai ve ding.
Hrang a tlaihnak?
Zunngaih phurrit in ummi kan thinlung caah siseh, sungh thaap lawng a bawh mi kan pumsa caah siseh, tlau lam a panh lengmang kan thlau caah siseh, a lamkip in kan ngaihchiatnak le lawmhnak caah sieh, langhternak caah a ṭha ngaingai.
A tang lei ahhin hmuhsaknak ka hun langhter.
Caan Ṭha
Khuacaan le suimilam an i hngal
(Nang le kei duhdawtnak mirhtlorhnak ca)
Thlizil le ninu an i hngal,
(Tliang ririar in lawmhpi awk caan ṭha)
Thinlung caah pangpar dum a hmun,
(Dawtnak len lamṭha hawl awk ding ah)
Parkhat na hun tongh sin kei ka maan
(Dawtmi, ka thinlung nih an hngah)
Na kutzanem in na ṭawhmi si ning
(Na dawtnak tizu thlum tep ning).
(Nang le kei duhdawtnak mirhtlorhnak ca)
Thlizil le ninu an i hngal,
(Tliang ririar in lawmhpi awk caan ṭha)
Thinlung caah pangpar dum a hmun,
(Dawtnak len lamṭha hawl awk ding ah)
Parkhat na hun tongh sin kei ka maan
(Dawtmi, ka thinlung nih an hngah)
Na kutzanem in na ṭawhmi si ning
(Na dawtnak tizu thlum tep ning).
Ka Ṭap
Thinlung ah bialung an tur,
(Hmurchum in an ril)
Thinlung nih a hlawm lo
(Caan sinah an thi)
Thlitu lakah luahmi mei bang
(Thazaang an ngei lo)
Lai ir mar le thir dirder in an pau men;
(Kha thinlung ahkhan an nung lo)
Zanmang, chunmang sinah cuaithlai awk a um lo,
(Kei cu ka ṭap cu ta-- Ka ṭap, philh kan sian lo, Kan chimh ni ri khan, Tutiang ka ṭap...)
Thinlung ah bialung an tur,
(Hmurchum in an ril)
Thinlung nih a hlawm lo
(Caan sinah an thi)
Thlitu lakah luahmi mei bang
(Thazaang an ngei lo)
Lai ir mar le thir dirder in an pau men;
(Kha thinlung ahkhan an nung lo)
Zanmang, chunmang sinah cuaithlai awk a um lo,
(Kei cu ka ṭap cu ta-- Ka ṭap, philh kan sian lo, Kan chimh ni ri khan, Tutiang ka ṭap...)
