Hi cahmai nih hin 'Biaralkomh' a tawi fiannak tein chim le rel aa zuam lai. Hi cahmai hi 'holh le ca' tthanchonak cahmai tawmte lakah pakhat, a si ve.
Hi 'biaralkomh' timi hi kan Laica chungah ka hmu bal lo. A min kan ngeih lo bia maw si hnga, silole, a theih in kan theih lo hrimhrim dek, a si hnga. Hman cu kan hman pah ṭheo tawn ko. Biaralkomh timi hmual ngei ṭung i, capo biatak in holh le chimrelnak ah hmanh khawh, a si. Bia alnak zong ah a ṭha ngaingai. Caṭial thiam tampi nih cun hi biafang chungchuk biafang hna hmangin ca tampi an ṭial, i rel tikah a nuam duam.
Biaralkomh timi hi a dik hrimhrim tiah bia ka thlu kho lo. Miphun hawi hna nih ruahnak chuah cio dingin kan sawm hna. Holh ṭhancho ter duhnak lungthin he ruahnak chuah cio hna usih...
Biaral komhnak: Pakhat le pakhat aa almi biafang ikomhnak.(Tc: "capo
biatak", "fim zer". A! Kadua, capo biatak in ti pah an hau cang! --" A
nih khi 'muidawh lo iang ngei' dawh a si awh.
Hi biafang kong pehtlaih in chimrel na duhmi um ahcun chimrel khawh a si. Pumpak ruahnak le hmuhnak in vaihchommi a si caah chia ṭha cawh hnuk in a um ko lai. Chim ding na ngeih ahcun onh cia na si.
Atak deu
Biatak tein nihchuak
Capo biatak
Chia ṭha
Dai sa/daih sat
Dang khat
Dawh-lo iang-ngei
Ei-chuak ṭuan zaam
Hmet ngan
Hrut fim chim
Fim zer
Lihchim aanthiam
Lungtaklo Duhdawtnak
Pa ṭhawng lo pa ṭihnung
Pa leklo pa zohco
Ungthu nuamhnak
Vanchiat vanṭhat
Ziaza ṭha lo zaangfahnak
Hi biafang kong pehtlaih in chimrel na duhmi um ahcun chimrel khawh a si. Pumpak ruahnak le hmuhnak in vaihchommi a si caah chia ṭha cawh hnuk in a um ko lai. Chim ding na ngeih ahcun onh cia na si.
